Yn 2005 creodd CDL Ddiwrnod Hunaniaeth Cymru, fforwm blynyddol i drafod syniadau ar bob math o bynciau, yn adeiladau hanesyddol, tirwedd a bywyd gwyllt, a hefyd diwylliannau amrywiol a thraddodiadau ieithyddol Cymru.

I nodi’r digwyddiad agoriadol, gofynnodd CDL i fyfyrwyr ledled y wlad i greu gweithiau celf a ddangosai’r rhan yr oedd eu treftadaeth wedi ei chwarae wrth ffurfio eu hunaniaeth fel pobl ifanc yn byw yng Nghymru. Llwyddodd mwy na 50 darn o waith - tirluniau, cerfluniau, ffilmiau byrion a chelfyddyd graffiti - i gyrraedd y brig a ffurfio arddangosfa 'Gweledigaeth Cymru' yn yr Amgueddfa Genedlaethol yng Nghaerdydd. Agorwyd yr arddangosfa gan Brif Weinidog Cymru, Rhodri Morgan, ar 22 Tachwedd.

Daeth bron i 200 o wahoddedigion i’r arddangosfa ac i’r trafodaethau dilynol ar dreftadaeth yng Nghymru gyda’r naturiaethwr Iolo Williams, artist o Gymru Lowri Davies a chynrychiolwyr o’r Cyngor Celfyddydau a CDL.